Estes son os obxectivos presentes na programación, seguindo o Decreto
105/2014 do 4 de setembro, polo que se establece o currículo da educación
primaria na Comunidade Autónoma de Galicia.
En 4º de
Educación Primaria tentaranse acadar os seguintes obxectivos:
a) Coñecer e apreciar os valores e as normas de
convivencia, aprender a obrar de acordo con elas, así como o pluralismo propio
dunha sociedade democrática.
b) Desenvolver hábitos de traballo individual e
de equipo, de esforzo e de responsabilidade no estudo, así como actitudes de
confianza en si mesmo, sentido crítico, curiosidade, interese e creatividade na
aprendizaxe.
c) Adquirir habilidades para a prevención e para
a resolución pacífica de conflitos que lles permitan desenvolverse con
autonomía no ámbito familiar e doméstico, así como nos grupos sociais cos que
se relacionan.
d) Coñecer, comprender e respectar as diferentes
culturas e as diferenzas entre as persoas, a igualdade de dereitos e
oportunidades de homes e mulleres e a non discriminación de persoas con
discapacidade.
e) Coñecer e comezar a utilizar de xeito
apropiado a lingua galega e a lingua castelá e desenvolver hábitos de lectura
en ambas as linguas.
g) Desenvolver as competencias matemáticas
básicas e iniciarse na resolución de problemas que requiran a realización de
operacións elementais de cálculo, e coñecementos xeométricos, así como ser quen
de aplicalos ás situacións da súa vida cotiá.
h) Coñecer os aspectos fundamentais das ciencias
da natureza, as ciencias sociais, a xeografía, e a cultura, con especial
atención a aqueles relacionados e vinculados con Galicia.
i ) Iniciarse na utilización, para a aprendizaxe,
das tecnoloxías da información e da comunicación.
l ) Utilizar diferentes representacións e
expresións artísticas e iniciarse na construción de propostas visuais.
m) Valorar a hixiene e a saúde,
aceptar o propio corpo e o dos outros, respectar as diferenzas e utilizar a
educación física e o deporte como medios para favorecer o desenvolvemento
persoal e social.
n) Coñecer e valorar os animais máis próximos ao
ser humano.
ñ) Desenvolver as súas capacidades afectivas en
todos os ámbitos da personalidade e nas súas relacións cos demais, así como
unha actitude contraria á violencia, aos prexuízos de calquera tipo e aos
estereotipos sexistas.
o) Fomentar a educación viaria e actitudes de
respecto que incidan na prevención dos accidentes de tráfico.
p) Coñecer, apreciar e valorar as singularidades
culturais, lingüísticas, físicas e sociais de Galicia, poñendo de relevancia as
mulleres e homes que realizaron achegas importantes á cultura e sociedade
galegas.
